Aıdana Ýbaıdýllaqyzy Futures Cup týrnıriniń chempıony atandy

ASTANA. KAZINFORM - Taıland astanasy Bangkok qalasynda ótip jatqan Futures Cup halyqaralyq týrnırinde el quramasynan Aıdana Ýbaıdýllaqyzy (80 keli) chempıon atandy.

Otandasymyz fınalda ózbekstandyq Asaloı Bahtıorovany merziminen buryn jeńdi. Qazaqstandyq boksshy qarsylasyn ekinshi raýndta ekinshi márte nokdaýnǵa jiberdi. Nátıjesinde tóreshiler jekpe-jekti toqtatýǵa sheshim qabyldady.

Endi el quramasynan Kamıla Ospanova (70 keli), Dosjan Jumaqan (60 keli), Bıbarys Áshirbaı (70 keli), Jalǵas Ótebekov (90 keli), Vladıslav Samojonov (90 keliden joǵary) fınalda sharshy alańǵa shyǵady.

Qazaqstan quramasy sapynan fınalǵa segiz sportshy shyqty. Bul jóninen ulttyq qurama ekinshi orynda tur. El quramasynan on sportshy jartylaı fınalda jekpe-jek ótkizdi. Olardyń 8-i jeńiske jetse, 3-eýi qarsylasyna ese jiberdi.

Al kósh basyndaǵy Ózbekstan – 9, úshinshi oryndaǵy AQSh – 5 boksshyǵa senim bildirse, odan keıin Úndistan – 4, Ýkraına – 3, Frantsııa, Japonııa – 2, Anglııa, Italııa, Qyrǵyzstan, Grýzııa, Samoa, Tývalý, Taıland 1 úzdigine úmit artady.

Sondaı-aq el quramasynan Aqnur Tursynǵalı (57 keli) Zarına Tolybaı (75 keli), Nursultan Qystaýbaı (85 keli) qola júldeger atandy.

Fınaldyq jekpe-jekter 15 naýryzǵa belgilengen.