Aıdana Ýbaıdýllaqyzy aıqyn basymdyqpen jeńiske jetti
ASTANA. KAZINFORM – Indonezııanyń Djakarta qalasynda ótip jatqan Azııa chempıonatynda U19 sanatyndaǵy Aıdana Ýbaıdýllaqyzy (80 keli) alǵashqy jekpe-jegin ótkizdi.
Jartylaı fınalda otandasymyz Qyrǵyzstan ókili Mırım Chınbekovamen kezdesip, aıqyn basymdyq tanytty.
Ekinshi raýndta Aıdana qarsylasyn úsh márte nokdaýnǵa jiberdi. Osydan keıin tóreshi jekpe-jekti merziminen buryn toqtatyp, qazaqstandyq boksshynyń tehnıkalyq nokaýtpen jeńiske jetkenin jarııalady.
Aıta ketelik Azııa chempıonaty: búgin qaı boksshylar el namysyn qorǵaıtyny týraly jazǵan edik.
