07:28, 26 Naýryz 2025 | GMT +5
Aıdana Ǵazızqyzy para dzıýdodan álem kýbogynyń jeńimpazy atandy
ASTANA. KAZINFORM — Grýzııa astanasy Tbılısıde kórý qabileti zaqymdalǵan sportshylar arasynda para dzıýdodan álem kýbogy jarysy máresine jetti.

Álemdik dodada qazaqstandyq Aıdana Ǵazızqyzy J2 sanaty boıynsha 70 keliden joǵary salmaqta qarsylas shaq keltirmeı, chempıon atandy.
Osylaısha, ol Qazaqstan qorjynyna úshinshi altyndy saldy.
Sonymen qatar J1 sanaty boıynsha 95 keliden joǵary salmaqta Baǵlanbek Onalbek kúmis alsa, Erlan Ótepov qolany oljalady.
Qazaqstan quramasy týrnırdi 3 altyn, 2 kúmis, 1 qola medalmen aıaqtap, jalpy esepte tórtinshi orynǵa taban tiredi.
Eske sala keteıik, budan buryn álem kýbogynda qazaqstandyq para dzıýdoshylardyń 3 medal alǵanyn jazǵan bolatynbyz.