Aıdana Arapbaı jasóspirimder arasynda bokstan Álem chempıony atandy
ALMATY. 3 mamyr. QazAqparat /Erlik Erjanuly/ - Bokstan Túrkııanyń Antalııa qalasynda qyzdar arasynda jasóspirimder men jastardyń Álem chempıonaty ótti.
Onda qazaqstandyqtar 1 altyn, 8 qola medal ıelendi. El qorjynyna altyn medalddy jasóspirimder arasynda 70 keli salmaqta judyryqtasqan Aıdana Arapbaı saldy. Ol aqtyq synda reseılik Olga Gavrınany 21:12 esebimen utyp, Álem chempıony atandy. Buǵan deıin jasóspirim qyzdar arasynda Ásel Taıyr (52 kg), Valentına Halzova (75 kg) men Toǵjan Syzdyqova (+ 80 kg), al jastar arasynda - Nazym Qyzaıbaı (48 kg), Nazym Tóleýova (54 kg), Janel Іnkárbekova (75 kg), Olga Tıtorenko (81 kg) men Oksana Ýharova (+81 kg) qola júldeniń ıesi atanǵan edi.
