Aıdan ǵylymı baza salýǵa bolatyn 50 shaqyrymdyq úńgir tabyldy
ASTANA. QazAqparat - Japon ǵalymdary Aı betinde ǵylymı baza salýǵa bolatyn úńgir tapty, onyń uzyndyǵy 50 shaqyrymǵa sozylyp jatyr, dep habarlaıdy Japonııa Ulttyq aeroǵarysh agenttigi JAXA.
Asa úlken úńgirdi japon zertteý zondy «Kagýıa» tapqan. Tabıǵı qýys Aıdyń arǵy jaǵynda, Marıýs krateriniń astynda ornalasqan.
«Kagýıa» aldymen úńgirdiń kireberisin sýretke túsirgen, keıinnen elektromagnıttik basqarý arqyly onyń ishki qurylysyn da zertteý múmkindigi týdy.
Ǵalymdar uzyn úńgirdiń shamamen 3,5 mıllıard jyl buryn janartaý belsendiliginiń nátıjesinde túzilgendigin aıtady.
