Aıdaladaǵy 500 metr: Aqtóbede bir úzik jol júrgizýshilerdiń ashýyn týǵyzdy
AQTÓBE. KAZINFORM — Aqtóbede nebári 500 metr bolatyn jol bar. Merdiger byltyr bastaǵan jumysyn bıyl aıaqtaýy tıis.
Aqtóbe oblysy Áıteke bı aýdanyndaǵy Sarat-Tumabulaq aýdandyq mańyzy bar joldyń nebári 500 metri jáne 1 shaqyrymy salynǵan. Bıyl jospardaǵy 24 shaqyrym jol túgel aıaqtalýy tıis.
— Joldyń 48-60 jáne 60-72 shaqyrymdary aralyǵyndaǵy ortasha jóndeý jumystary byltyr bastalǵan. Joba eki jylǵa qarastyrylǵan. Byltyr 24 shaqyrymyna tolyq negizdemesin tóseý jumystary isteldi jáne eki ýchaskede 1 shaqyrym jáne 500 metr asfalt jabyndysy tóselip úlgergen. Jaqyn arada asfalt tóseý jumysy jalǵasady. Merdiger kompanııa tehnıkalaryn 1-2 kúnde ákeledi. Asfalttaý jumysynyń qarajaty bıylǵa qaralǵan jumys istelgen soń tólenetin bolady, — dedi Aqtóbe oblysy ákiminiń baspasóz qyzmeti.
Aıta keteıik, joldyń 48-60 shaqyrymy aralyǵyna byltyr 376,7 mln teńge bólinip ıgerildi, bıyl 353 mln teńge qarastyrylyp otyr. Al 60-72 aralyǵyndaǵy jol ýchaskesine byltyr 386,8 mln teńge berildi. Bıyl 379,1 mln teńge jumsalady. Kelisimshart boıynsha jol qurylysy qarasha aıynda deıin aıaqtalýy tıis.
Buǵan deıin Aqtóbeden Reseı shekarasyna deıingi aralyqta birneshe kólik jolda qaldy. Joldar qubyr salý úshin ýaqytsha jabylyp, jańbyr jaýǵan kúni qatynas qıyndaǵan edi.
Buǵan deıin Aqtóbeden Reseı shekarasyna deıingi aralyqta birneshe kólik jolda qaldy. Joldar qubyr salý úshin ýaqytsha jabylyp, jańbyr jaýǵan kúni qatynas qıyndady.