Aıda topyraq salynǵan qapshyq aýktsıonǵa qoıyldy, bastapqy baǵa - eki mln dollar
ASTANA. QazAqparat - Eki mıllıon dollar - SOTHEBY'S satylymyna qoıylǵan qarapaıym shaǵyn qapshyqtyń bastapqy baǵasy ǵana.
Bul bas aınaldyratyn soma Aıǵa birinshi bolyp qadam basqan Nıl Armstrongtyń topyraqtyń úlgilerin jınaǵan qapshyǵy bolǵanymen túsindiriledi. Aýktsıon uıymdastyrýshylarynyń aıtýynsha, qaptyń matasynan áli kúnge deıin Aıdaǵy krıstaldar men shańdardyń izderin tabýǵa bolady, dep habarlaıdy ru.euronews.com.
«Bul qapshyq jınalǵan topyraqty qolaısyz syrtqy ortanyń yqpalynan qorǵaý úshin qoldanylǵan, keıin ǵarysh ekspedıtsııasy Jerge qaıtyp kelgen soń, ol ýly patogenderdiń taralýyna bóget bolǵan», - dedi aýktsıondyq úıdiń vıtse-prezıdenti Kassandra Hetton.
Beısenbi, 20 shilde kúni satylymǵa ǵarysh ekspedıtsııasyna qatysy bar 170-ten astam lottar qoıyldy, dál osy kúni ǵarysh ekspedıtsııasynyń 48 jyldyǵy atalyp ótildi.
