Aıda NASA mamandary ǵalamtor ornatty
ASTANA. QazAqparat - Jer spýtnıgimen ınternet baılanys ornatý NASA ınjenerleriniń kezekti jobasyna aınaldy. MIT (Massachýsets tehnologııalyq ýnıversıtet) mamandarymen birigip Aımen joǵary jyldamdyqtaǵy baılanys ornatýǵa múmkindik beretin baılanys júıesin qurdy, dep jazady sheteldik BAQ.
Lunar Laser Communication Demonstration júıesiniń negizinde lazerlik sáýlelendirý jatqany belgili.
30 kúndik zertteýler júrgizý barysynda ǵalymdar turaqty sıgnal ornata aldy. Málimetterdi jetkizý jyldamdyǵy sekýndyna 19,44 megabıtti qurady, dep habarlady Informing.
Atap óteıik, bul jyldamdyqty qarapaıym úıdegi ınternet-baılanyspen salystyrýǵa bolady.
LLCD termınaly Nıý-Meksıkoda (AQSh) ornalasqan jáne ol 4 optıkalyq júıeden turady. Onyń árbiri qýattylyǵy 40 Vt bolatyn sáýle taratýshylarmen jabdyqtalǵan.
