Aıbyndy jigitter at ústinde kúsh synasyp, án men kúıden shashý shashty
ORAL. QazAqparat - Oralda qolbasshy batyr, bı, sheshen Syrym Datulynyń 275 jyldyǵyna arnalǵan «Aıbyndy jigitter - 2017» aımaqtyq baıqaýy márege jetti, dep habarlaıdy «QazAqparat» tilshisi.
BQO halyq shyǵarmashylyǵy ortalyǵy uıymdastyrǵan saıysqa Aqtóbe, Qyzylorda oblysy jáne óńirdiń Aqjaıyq, Bórli, Jánibek, Zelenov, Qaztalov, Qaratóbe, Syrym, Terekti jáne Shyńǵyrlaý aýdandarynan 12 seri jigit qatysyp, baq synady. Olar eń aldymen sadaqpen jerebe tartý arqyly mergendikterin tanytyp, rettik nómirlerin anyqtady. Sodan keıin tórt kezeńnen turatyn baıqaý barysynda áýeli ózderin tanystyrsa, odan ári ulttyq aýdaryspaq oıynynda at ústinde kúsh synasty. Túrli suraqtarǵa da jaýaptar qaıtara bildi. Sońǵy syn - kórermenderdi tańǵaldyrý kezeńinde saıyskerler óz ónerlerin pash etti. ıAǵnı baıqaýdyń bul kezeńinde án salyp, kúı tartyp, ulttyq oıyn nemese sıqyrǵa deıin kórsetýge bolady.
Qazylar alqasynyń múshesi, ulttyq sport túrleri boıynsha oblystyq balalar-jasóspirimder sport mektebiniń dırektory Dastan Myrzaǵalıevtiń aıtýynsha, aımaqtyq baıqaý qorytyndysynda Zelenov aýdanynyń namysyn qorǵaǵan Aqtilek Sársenov bas júldeni (250 myń teńge) jeńip aldy. Ol osy aýdannyń Asan aýylynda oryn tepken atalmysh sport mektebinde jattyqtyrýshy bolyp jumys jasaıdy.
