«Aıbyndy erlik, aıaýly ǵumyr...» - baspasózge sholý
***
Qazaqtyń baıyrǵydan kele jatqan kásibi - mal baǵý ekeni anyq. Tipti, qysta - qystaýǵa, jazda jaılaýǵa shyǵýynyń bir sebebi de - mal basyn kóbeıtip, baıı túsý edi. Sol ýaqytta myqty malshylardyń jeke marapaty da bar edi. Mine, «Egemen Qazaqstan» gazeti búgin Uly Otan soǵysy jyldarynan keıin et pen júndi mol óndirý joryǵynda júrip, memleketke pálendeı eltiri, pálenbaı kılo jún, et tapsyryp, 100 qoıdan 144 qozy alǵan Jazylbek Qýanyshbaev týraly jazady.
«Jazekeńniń eńbek jolyn, ozyq tájirıbesin nasıhattaý úshin kezinde «Jazylbek mektebi» de uıymdastyrylǵan eken. Al, 1977 jyly Nurtaı Aıdarov degen qalamger Jazekeńniń eńbek joly týraly «Jazylbek mektebi» atty kitap jazypty. Sodan bolar, Jazylbek Qýanyshbaevty «dala akademıgi», «malshylardyń marshaly» dep ataǵan. Endeshe, Jaz atanyń mal baǵýdaǵy aıtqandary men tájirıbesi áli kúnge mańyzdy. Oǵan osy kitaptaǵy myna úzindilerden keıin kózińiz anyq jetedi» dep jazady basylym. Bul týraly tolyǵyraq«Egemen Qazaqstan» gazetiniń búgingi sanynda jaryq kórgen«Malshylar marshaly»atty maqaladan oqı alasyzdar.
***
3 sáýir - «Halyq qaharmany», beıbit kúnniń batyry Ǵazız Baıtasovtyń týǵan kúni. Bul týraly «Aıqyn» gazeti jazyp otyr. «Táýelsiz eldiń tynyshtyǵyn kúzetip, tótennen tóngen qaýipke keýdesin tosyp, oqys jaǵdaıda opat bolǵan jerlesimiz tiri bolǵanda bıyl 45 jasqa tolar edi...Esterińizde bolsa, Tarazda 2011 jyldyń 12 qarashasynda jıhad qozǵalysynyń jaqtaýshysy jasaǵan qylmystyń saldarynan 7 adam, onyń ishinde quqyq qorǵaý organdarynyń 5 qyzmetkeri men 2 azamattyq tulǵa kóz jumǵan bolatyn. Terrorıstik áreket barysynda jergilikti halyqqa úlken qaýip tóndirgen lańkestiń turǵyndarǵa baǵyttalǵan jarylǵysh granatasyn keýdesimen jaýyp, eliniń beıbit ómiri úshin janyn pıda etken Ǵazız Ábdibekulynyń erligi áli kúnge el jadynda»,-dep jazady basylym. Kózsiz erligi úshin Ǵazız Baıtasovqa Elbasynyń Jarlyǵymen «Halyq Qaharmany» ataǵy berildi. Taraz qalasynyń bir kóshesi batyr atymen atalyp tur. Ǵazız Baıtasov týraly dos-jarandarynyń, jaqyndarynyń saǵynyshqa toly esteligin«Aıbyndy erlik, aıaýly ǵumyr...»atty maqaladan oqı alasyzdar.
Almaty - almanyń «astanasy» sanalsa, Túrkııanyń Amasııa qalasy - almanyń anasy atalady eken. Qazaqstannyń Túrkııadaǵy Elshiligi men Qaraǵandy oblysy ákimdiginiń qoldaýymen, halyqaralyq TÚRKSOI uıymynyń uıymdastyrýymen er túrikter elinde ótken Táttimbet Qazanǵapulynıayń 200 jyldyq mereıtoıy aıasynda tarıhy qala - Amasııamen tanysqan «Aıqyn» gazeti bul qala týraly derek maqala usynyp otyr. «Bıik taýdyń eteginde jatqan kóne shahar Túrkııanyń soltústiginde ornalasqan. 8500 jyldyq tarıhy bar. Almaty - almanyń «astanasy» sanalsa, Túrkııanyń Amasııa qalasy - almanyń anasy atalady eken»,-dep jazady basylym. Bul týraly tolyǵyraq«Almaly qala - Amasııa» atty maqaladan oqı alasyzdar.
***
Al,«Ekpress K» gazetiniń habarlaýynsha, Aqtóbe oblysynda alǵash ret mektep dırektory oqýshylardyń bilimi taıaz bolǵan soń, aıyppul tólegen. «Aqtóbe oblysy Jem qalasyndaǵy №5 orta mekteptiń dırektoryna oqýshylardyń nashar bilimi úshin aıyppul saldy. Josparsyz tekserý anyqtaǵandaı, 4, 9, 11 synyp oqýshylarynyń tek 60 paıyzy ǵana jaqsy baǵa alǵan. Al, bul 2007 jyly el úkimeti bekitken erejege saı kelmeıdi. Sondyqtan, dırektor 31 815 myń teńge aıyppul tóleıdi», - dep jazady basylym. Bul týraly tolyǵyraq«Ekspress K» gazetinen oqı alasyzdar.
