«Aıbyn» Prezıdenttik polkiniń áskerı qyzmetshisi kıkboksıngten Azııa chempıony atandy
ASTANA. QazAqparat - Koreıa Respýblıkasynyń Chhondjý qalasynda kıkboksıngten K-1 Azııa Chempıonaty óz máresine jetti. Chempıonatqa 13 memlekettiń qurama komandalary qatysty, olardyń qatarynda: Qytaı Halyq Respýblıkasy, Japonııa, Koreıa, Iran, Irak, Úndistan, Taıland, Pákistan bar.
Qazaqstan Respýblıkasynyń qurama komandasynyń qatarynda joǵarǵy salmaqta (91 kg. deıingi salmaqta) óner kórsetken Qazaqstan Respýblıkasy Memlekettik kúzet qyzmetiniń «Aıbyn» Prezıdenttik polkiniń áskerı qyzmetshisi Ersultan Bekenov jeńis tuǵyrynan kórinip, Azııa Chempıony ataǵyna ıe boldy.
Sondaı-aq, halyqaralyq jarystyń qorytyndysy boıynsha E. Bekenov kıkboksıngten sport sheberi mártebesine ıe boldy.
