«Aıboz» ulttyq ádebı syılyǵyna ótinimderdi qabyldaý jalǵasyp jatyr

ASTANA. KAZINFORM – Mádenıet jáne aqparat mınıstrligi «Aıboz» ulttyq ádebı syılyǵyna shyǵarmalardy qabyldaý jalǵasady dep habarlaıdy. 

Ulttyq ádebı syılyq otandyq qalamgerlerdi memlekettik qoldaý jáne qazaq ádebıetiniń damýyna yqpal etý maqsatynda úshinshi ret ótkiziledi. 

Ulttyq syılyqqa «Úzdik proza», «Úzdik poezııa», «Úzdik dramatýrgııa», «Úzdik ádebı aýdarma», «Úzdik balalar ádebıeti», «Úzdik ádebı syn», «Úzdik komıks» nomınatsııalary boıynsha buryn jarııalanbaǵan týyndylar qabyldanady. 

Baıqaýǵa otandyq jazýshylar qatysa alady jáne úmitkerlerdiń jas ereksheligine shekteý joq. Ádebı syılyqtyń jalpy júlde qory – 35 mln. teńge. Ár nomınatsııaǵa 5 mln teńgeden beriledi. 

Ótinim 2024 jylǵy 1 qyrkúıekke deıin www.aiboz.kz saıty arqyly joldanýy tıis. Ulttyq ádebı syılyq jyl sońynda tabystalady.