Aıbota Ertaıqyzy Sıngapýrdaǵy Azııa chempıonatynyń qola júldesin jeńip aldy

ASTANA. KAZINFORM - Sıngapýr tórinde jalaýy jelbiregen kórkem gımnastıkadan Azııa chempıonatynda qazaqstandyq Aıbota Ertaıqyzy óz ónerimen kóz súısindirip, júldegerler qatarynan kórindi, dep habarlaıdy QR Sport komıtetiniń baspasóz qyzmeti.

Baspasóz qyzmetiniń málimetterine qaraǵanda, Aıbota jekeleı syndaǵy kópsaıys qorytyndysynda tórt jattyǵý boıynsha 82.200 upaı jınap, úzdik úshtikke endi.

Ózbekstan sportshylary kósh bastap, alǵashqy eki oryndy ıelendi. Sondaı-aq Aıym Meıirjanova barlyǵy 80.450 upaımen 5-satydan kórindi.

Aıta keteıik, sary qurlyq dodasyna 19 elden 100-den astam atlet bas qosyp, óz baqtaryn synaýda. Endi, erteń aqtyq jarystar bastalady.

Osyǵan deıin Zarına Dııastyń Japonııadaǵy jarystyń fınalyna joldama alǵany týraly jazdyq.