Aıbota Ertaıqyzy kórkem gımnastıkadan álem chempıonatyna qatysady

ASTANA. KAZINFORM - Brazılııanyń Rıo-de-Janeıro qalasynda 20-24 tamyz aralyǵynda ótetin kórkem gımnastıkadan álem chempıonatyna qatysatyn Qazaqstan quramasy belgili boldy.

Qazir qazaqstandyq sportshylar álem chempıonatyna deıingi sheshýshi daıyndyq kezeńdi ótkizip jatyr. Oǵan Qazaqstan gımnastıka federatsııasynyń prezıdenti Álııa ıÝsýpova qatysty.

Álem chempıonatynda jekeleı jattyǵýlarda el namysyn Aıbota Ertaıqyzy men Aıym Meıirjanova qorǵaıdy. Toptyq jattyǵýlarda Aıda Hakimjanova, Aızere Keńes, Jasmın Júnisbaeva, Krıstına Chepýlskaıa, Aızere Nurmaǵambetova jáne Madına Myrzabaı jarys jolyna shyǵady.

Jekeleı saıysta jalpy eseppen 100-den astam sportshy óner kórsetedi. Bul málimetti Halyqaralyq gımnastıka federatsııasy jarııalady. Júlde jolyndaǵy saıys asa tartysty bolmaq.

Qazaqstan Ulttyq Olımpıada komıtetiniń habarlaýynsha, Aıbota Ertaıqyzy bıyl Sıngapýrda ótken Azııa chempıonatynda kópsaıysta qola júlde ıelenip, taspamen oryndalatyn jattyǵýda jeńimpaz atandy. Al komandalyq synda kúmis medalǵa qol jetkizdi. Ol Ýnıversıadada da úzdik úshtiktiń qatarynan kóringen.

Al Aıym Meıirjanova qurlyqtyq birinshilikte urshyqtarmen oryndalatyn jattyǵýda úshinshi oryn aldy.

Eske salsaq, budan buryn Aqmaral Erekesheva kórkem gımnastıkadan jasópirimder arasynda álem chempıony atandy.