Aıbol Ábikenniń jańa maýsymda qaı komandada oınaıtyny belgili boldy

 ASTANA. KAZINFORM – Qyzylordalyq «Qaısar» komandasy 29 jastaǵy qazaqstandyq fýtbolshy Aıbol Ábikenmen kelisimshart merzimin uzartty.

Aıbol ótken maýsymda qasqyrlar sapynda 25 oıynǵa qatysyp, 1 golmen kózge tústi. 

Almaty qalasynda dúnıege kelgen fýtbolshy buǵan deıin «Qaırat» jáne «Aqsý» klýbtarynyń namysyn qorǵap úlgerdi. 2020 jyly almatylyq «Qaırat» komandasynyń sapynda el chempıony boldy. Al 2017, 2018, 2019 jyldarda kúmis, 2021 jyly qola júldege qol jetkizdi.

2022 jyldyń jaz aıynda ol dopıng daýyna iligip, 4 jylǵa fýtboldan shettetildi. Degenmen onyń jazasy jeńildetilip, eki jylǵa shegerildi. 2024 jyldyń sáýir aıynda Ábiken «Ordabasy» fýtbol klýbynyń jeıdesinde óner kórsetti. 

Eske sala keteıik, fýtboldan Qazaqstan ulttyq quramasynyń FIFA reıtıngindegi orny ózgergenin jazǵan edik.