Aıbol Ábiken «Ordabasy» fýtbol klýbynda oıyn kórsetedi

ASTANA. KAZINFORM - Qazaqstandyq jartylaı qorǵaýshy Aıbol Ábiken endi «Ordabasy» fýtbol klýby sapynda oıyn kórsetedi.

Bul jóninde shymkenttik klýbtyń baspasóz qyzmeti málim etti.

1996 jyly Almaty qalasynda dúnıege kelgen fýtbolshy buǵan deıin «Qaırat» jáne «Aqsý» klýbtarynyń namysyn qorǵady. 2020 jyly «Qaırat» sapynda Qazaqstan chempıony atansa, 2017, 2018, 2019 jyldarda kúmis, 2021 jyly qola júldeger boldy.

2022 jyldyń jaz aıynda ol dopıng qoldanýyna baılanysty tórt jylǵa fýtboldan shettetildi. Degenmen ol jeńildetilip, eki jylǵa tómendetildi.

Shymkenttik klýb byltyr óz tarıhynda alǵash ret el chempıony atandy. Bıyl Chempıondar lıgasynda synǵa túsedi.

Sondyqtan komandada Bekhan Shaızada, Ashat Taǵybergen, Baýyrjan Islamhan, Erkebulan Tuńǵyshbaev, Temirlan Erlanov, Sergeı Malyı sekildi ulttyq qurama fýtbolshylary oıyn kórsetedi.

Eske salsaq, budan buryn «Kaspıı» fýtbol klýbyna jańa basshy taǵaıyndaldy.