Aıbek Smadııarov: Túrkistan deklaratsııasy baýyrlas elderdiń mádenı jáne rýhanı yntymaǵyn arttyrady
Aıbek Smadııarov bul Túrki keńesiniń alǵashqy beıresmı sammıti bolǵanyna eske saldy. Sondaı-aq, ol Qazaqstannyń Túrki ınvestıtsııalyq-yntymaqtastyq qoryn qurý bastamasy qazir qandaı satyda turǵanyn aıtty.
«Bul bastama Qazaqstan Respýblıkasynyń Prezıdenti N.Á.Nazarbaevtyń 2015 jylǵy 11 qyrkúıekte Astana qalasynda ótken Túrki keńesiniń 5-shi Sammıtinde kóterilgen bolatyn. Túrki keńesine múshe memleketter atalǵan bastamany biraýyzdan qoldady. Atalǵan bastamany júzege asyrý maqsatynda jyldar boıy birqatar kezdesýler uıymdastyryldy. Qazirgi tańda taraptar qordyń quryltaıshy qujattaryn ázirlep jatyr», - deıdi SІM ókili.
Beıresmı sammıttegi basty oqıǵanyń biri – Túrkistan qalasynyń Túrki áleminiń rýhanı astanasy bolyp jarııalanýy desek, qatelespeımiz. Aıbek Smadııar Túrkistan deklaratsııasy baýyrlas elderdiń mádenı jáne rýhanı yntymaǵyn arttyrady degen oı aıtty.
«Osy múmkindikti paıdalana otyryp, barlyq oqyrmandaryńyzdy kıeli Túrkistan qalasyn Túrki áleminiń rýhanı astanasy bolyp jarııalanýymen quttyqtaımyz! Beıresmı sammıttiń qorytyndysy boıynsha keshe Túrkistan deklaratsııasy qabyldanǵany málim. Atalǵan qujat múshe memleketterge baǵdar kórsetip, atqarylatyn sharalardy belgileıdi. Naqtyraq aıtqanda, memleket basshylary Qazaqstan Respýblıkasynyń Tuńǵysh Prezıdenti-Elbasy, Túrki keńesiniń Qurmetti tóraǵasy Nursultan Ábishuly Nazarbaevtyń 2019 jyly 15 qazanda Bakýde ótken Túrki keńesiniń 7-shi Sammıti aıasynda Túrki keńesiniń ataýyn ózgertý jáne «Túrki áleminiń keleshegi-2040» qujatyn daıyndaý bastamalaryn qoldady jáne atalǵan baǵytta qarqyndy jumys júrgiziletin bolady», - deıdi vedomstvo ókili.
SІM ókili sammıt sheshimi boıynsha Álıhan Bókeıhandaı birtýar tulǵanyń 155 jyldyǵy Túrki yntymaqtastyq uıymdarymen birlese otyryp toılanatynyn eske saldy.
«Túrki áleminiń ádebıeti, óneri, ǵylymy men mádenıetiniń damýyna úlken úles qosqan Túrki áleminiń asa kórnekti aqyndary, oıshyldary men memleket qaıratkerleriniń mereıtoılaryn atap ótý úshin múshe memleketterdiń tıisti organdaryna Túrki yntymaqtastyq uıymdarymen birlese otyryp kelisilgen is-sharalar ótkizýge tapsyrma berildi. Atalǵan tizimde qazaqtyń birtýar uldary aqyn Jambyl Jabaevtyń 175 jyldyq jáne Álıhan Bókeıhannyń 155 jyldyq mereıtoılary bolǵanyna nazar aýdarǵymyz keledi.
Túrkistan beıresmı sammıti barysynda memleket basshylarynyń kótergen bastamalary da Túrki keńesiniń kún tártibinde bolady. Bul baǵytta da tıisti jumystar men konsýltatsııalar júrgiziledi», - dedi Aıbek Smadııarov.