Aıbek Smadııarov qazaq-aýǵan yntymaqtastyǵy týraly: Munyń saıası jaǵy da bar

ASTANA.KAZINFORM – Syrtqy ister mınıstrliginiń resmı ókili Aıbek Smadııarov vedomstvonyń kezekti baspasóz máslıhatynda qazaq-aýǵan yntymaqtastyǵynyń artý sebebin atady.

- Aýǵanstan men Qazaqstan arasyndaǵy taýar aınalymy 1 mlrd dollarǵa jýyq. Esebine baǵa berińiz, Eýropanyń birneshe elimen aradaǵy taýar aınalymyn qosqannyń ózinde ondaı soma shyqpaýy múmkin. Sondyqtan biz olarmen jaqsy saýda júrgizemiz. Bizdiń Saýda jáne ıntegratsııa mınıstrligi birneshe ret bıznes forým ótkizdi. Sondyqtan bul kórshimen áli de keleshekte jumys isteımiz dep úmittenemiz. 40 mıllıonǵa jýyq halqy bar elmen qalaı jumys istemeımiz? Astana halyqaralyq forýmyna shaqyrǵanymyz, birneshe ekijaqty joba bar. Olardy keleshekte aıta jatamyz, - dedi ol.

Sondaı-aq ol Almatyda BUU haby ashylatynyn eske saldy.

- Bul yntymaqtastyqtyń saıası maǵynasy da bar. Almatyda BUU-nyń arnaıy haby ashylaıyn dep jatyr. Ol hab Aýǵanstan máselesine de arnalǵan. Sondyqtan biz Aýǵanstanmen tyǵyz jumys isteýge úmittenemiz, - dedi Aıbek Smadııarov.

Jýrnalıster eki el azamattarynyń vıza rásimdeý protsesi qashan jeńildeıtinin suraǵan.

- Joq áli. Oǵan erte. Tek saýda jasap jatyrmyz, - dedi SІM resmı ókili, - dedi SІM resmı ókili.

Eske salsaq, «QazAtomÓnerkásip» ulttyq atom kompanııasynyń basqarma tóraǵasy Meıirjan ıÝsýpov Qazaqstan Aýǵanstannan berılıı shıkizatyn ımporttaýy múmkin ekenin málim etken edi.