Aıbek Rahymbekov Abaı oblysynyń Kásipkerlik basqarmasynyń basshysy bolyp taǵaıyndaldy
SEMEI. KAZINFORM – Abaı oblysynyń Kásipkerlik jáne ındýstrııalyq-ınnovatsııalyq damý basqarmasynyń basshysy bolyp Aıbek Rahymbekov taǵaıyndaldy.
Aıbek Smaǵululy 1990 jyly 23 jeltoqsanda Astana qalasynda dúnıege kelgen.
2012 jyly L.N.Gýmılev atyndaǵy Eýrazııa ulttyq ýnıversıtetin «Aımaqtaný» mamandyǵy, 2015 jyly Qazaq ınjenerlik-tehnıkalyq akademııasyn «Ekonomıka» mamandyǵy, 2020 jyly Ońtústik Kalıfornııa ýnıversıtetin «Halyqaralyq memlekettik saıasat jáne basqarý» mamandyǵy boıynsha bitirgen.
«Bolashaq» baǵdarlamasynyń túlegi.
Eńbek jolyn 2014 jyly Qazaqstan Respýblıkasy Kólik jáne kommýnıkatsııa mınıstrligi Halyqaralyq yntymaqtastyq departamenti halyqaralyq uıymdar basqarmasynyń sarapshysy laýazymynan bastaǵan.
Ár jyldary Investıtsııalar jáne damý mınıstrliginiń Kólik oqıǵalary men oqys oqıǵalardy tekserý departamenti temir jol jáne sý kólikterindegi oqıǵalardy tekserý basqarmasynyń bas sarapshysy, Indýstrııa jáne ınfraqurylymdyq damý mınıstrligi Ónerkásiptik saıasat departamenti óńdeýshi ónerkásipti damytý basqarmasynyń basshysy bolyp eńbek etti.
Taǵaıyndalǵanǵa deıin Abaı oblysynyń kásipkerlik jáne ındýstrııalyq-ınnovatsııalyq damý basqarmasy basshysynyń orynbasary bolǵan.
Eske salsaq, osyǵan deıin Ánýar Hatıev Din isteri komıtetiniń tóraǵasy bolǵany habarlanǵan.