Aıbek Paıaev kámeletke tolmaǵandardyń túrmesin Bilim mınıstrliginiń quzyryna berýdi usyndy
Bul usynysty ol QR Palament Májilisinde ótken «Qazaqstan Respýblıkasynda qylmystyq qýdalaý jáne jazany oryndaý salasyndaǵy adam quqyqtary týraly» atty dóńgelek ústelde aıtty.
«Bizdiń elden basqa álemniń esh jerinde kámeletke tolmaǵandardyń túrmesi joq. Tipti osy sózdiń ózi qulaqqa túrpideı tıedi. Osy quzyretti Іshki ister mınıstrliginen alyp, Bilim jáne ǵylym mınıstrligine berýge bolmaı ma? Iá, kámeletke tolmaǵan bolsa da qylmys istedi deıik. Biraq ondaı býynmen jumys isteýimiz kerek qoı. Durys, qalypty ońaltý ortalyǵy bolý kerek. Al qazir tárbıeleýdiń ornyna qamaýda qadaǵalap qana otyrmyz. Osy arqyly-aq qoǵamǵa qaýipti adamdardy daıyndap jatyrmyz», - dedi Májilis depýtaty Aıbek Paıaev.
Bul suraqqa Qylmystyq atqarý júıesi komıteti tóraǵasynyń orynbasary Meıram Aıýbaev jaýap berdi.
«Qazirgi kezde qylmystyq atqarý júıesine qaraıtyn Almaty qalasyndaǵy bir mekeme bar. Ol jerde kámeletke tolmaǵandar jazasyn ótep jatyr. Búgingi tańda onda 59 bala bar. ıAǵnı, Qazaqstan boıynsha bir mekeme bar.
Kámeletke tolmaǵan qyzdar Almaty oblysyndaǵy Jaýǵashty eldi mekenindegi áıelder jazasyn óteıtin mekemede jazasyn óteýi kerek. Qazir ol jerde kámeletke tolmaǵan adam joq», - dedi komıtet tóraǵasynyń orynbasary.
Aıtýynsha, bul máseleniń qoǵam talqysyna túkeninen 3-4 jyl bolǵan.
«Halyqaralyq táijrıbelerdi talqylap jatyrmyz. Almaty oblysynyń Aqtas aýylynda arnaıy psıhatrııalyq aýrýhana bar. Ol jerde kúsheıtilgen kúzet jumys isteıdi. Ǵımarattyń syrtyn polıtsııa kúzetkenimen, ishinde naýqastardy dárigerler ǵana emdeıdi. ıAǵnı, aldymyzda kámeletke tolmaǵandardyń túrmesin ońaltý ortalyǵyna aınaldyrýdyń naqty mysaly bar. Osy tásildi usynyp otyrmyz. Biz syrtqy perımetrdi kúzeteıik, al ishinde jasóspirimdermen muǵalimder, psıhologtar tárbıe jumysyn ótkizsin dep otyrmyz», - dedi Aıbek Paıaev.
