Aıbek Oralbaıdyń Azııa oıyndary fınalyndaǵy qarsylasy anyqtaldy
ASTANA. KAZINFORM - 2026 jylǵy Azııa oıyndarynda 29 qyrkúıekte Qazaqstan quramasynan Aıbek Oralbaı (90 keliden joǵary) fınalda kimmen kezdesetini belgili boldy.
Otandasymyz 2 qazanda ózbekstandyq Jahongır Zokırovpen qolǵap túıistiredi.
Jahongır Zokırov - 2025 jylǵy álem chempıonatynyń fınalısi boldy. Oǵan qosa 2024 jylǵy Azııa chempıonatynda qola júldeger atandy.
Al 26 jastaǵy Aıbek 2025 jylǵy álem chempıony jáne 3 dúrkin Azııa chempıonatynyń jeńimpazy atanǵan.
Ekeýi 2025 jyly Ulybrıtanııanyń Lıverpýl qalasynda World Boxing aıasynda ótken álem chempıonatynda sharshy alańǵa shyǵyp, bul joly qazaqstandyq boksshy qarsylasyn qapy qaldyrǵan edi.
Aıbek Oralbaı Azııa oıyndarynyń jartylaı fınalynda úndistandyq Narenderdi 5:0 esebimen jeńdi.
Endi el quramasynan 30 qyrkúıekte Mahmud Sabyrhan (55 keli), Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli) 30 qyrkúıekte jartylaı fınal jekpe-jegin ótkizedi.
Aıta ketsek, qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
