Aıbek Oralbaı bokstan Qazaqstan quramasynyń kapıtany boldy

ASTANA. KAZINFORM - Aıbek Oralbaı bokstan Qazaqstan quramasynyń kapıtany boldy.

Aıbek bıylǵy Olımpıadada 92 keli salmaqta synǵa tústi. Ol shırek fınalda ázerbaıjandyq Loreno Alfonso Domıngeske jol berdi. Olımpıadadan soń Aıbek 92 keliden joǵary salmaqqa aýysty.

Aıta ketsek, budan buryn ulttyq qurama kapıtany mindetin Aslanbek Shymbergenov (81 keli) atqaryp kelgen edi.

Ulttyq quramanyń bas bapkeri Qaırat Sátjanovtyń aıtýynsha, budan buryn 57 kelide baq synaǵan Mahmud Sabyrhan endi sharshy alańǵa 54 kelide shyǵady. Oǵan qosa Serik Temirjanov 60 kelige aýysty.

«Al 48 kelide Sanjar Táshkenbaı men Temirtas Júsipov, 51 kelide Sáken Bıbosynov pen Damır Ábdihalyqov arasynda ózara myqty atanǵan boksshyǵa basymdyq beremiz. Taǵy bir boksshymyz Aıbek Oralbaı 92 keliden joǵary salmaqqa aýysyp jatyr. Endi Qamshybek ekeýin baqylaımyz. Eger Qońqabaevtyń salmaǵy azdaý bop jatsa, 92 kelige túsirermiz. Munyń bári aldaǵy ýaqyttyń enshisinde. Salmaq boıynsha osyndaı jańalyqtar bar», - dedi Qaırat Sátjanov.

Eske salsaq, budan buryn Qaırat Sátjanov bokstan Qazaqstan erler quramasynyń bas bapkeri qyzmetine taǵaıyndaldy.