Aıbek Oralbaı Azııa oıyndarynda fınalǵa shyqty
ASTANA. KAZINFORM - 2026 jylǵy Azııa oıyndarynda 29 qyrkúıekte Qazaqstan quramasynan Aıbek Oralbaı (90 keliden joǵary) jartylaı fınalda úndistandyq Narenderdi qapy qaldyryp, fınalǵa joldama aldy.
Jekpe-jek barysynda otandasymyz jınaqy qımyl kórsetti. Nátıjesinde qarsylasynan kóbirek soqqy jumsaýǵa tyrysty. Úndistandyq boksshyny 5:0 esebimen jeńip, fınalǵa joldamany jeńip aldy.
Aıbek Oralbaı 2000 jyly 11 maýsymda dúnıege keldi. Qazirge deıin 2025 jyly álem chempıony atansa, úsh dúrkin Azııa chempıony boldy.
Sondaı-aq el quramasynan Mahmud Sabyrhan (55 keli), Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli) 30 qyrkúıekte jartylaı fınal jekpe-jegin ótkizedi.
Aıta ketsek, qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
