Aıbek Oralbaı Azııa chempıonatynyń jartylaı fınalyna shyqty
ASTANA. KAZINFORM – Bokstan Qazaqstan quramasynyń múshesi Aıbek Oralbaı Mońǵolııanyń Ulan-Batyr qalasynda ótip jatqan Azııa chempıonatynyń jartylaı fınalyna ótti.
90 keliden joǵary salmaqta óner kórsetken Aıbek Oralbaı shırek fınalda Ózbekstan sportshysy Arman Mahanovpen kezdesti. Úsh raýnd qorytyndysy boıynsha Aıbek tóreshilerdiń sheshimimen 4:1 esebimen jeńiske jetti.
Aıta keteıik, 60 kelige deıingi salmaqta synǵa túsken Orazbek Asylqulov qarsylasynyń jarystan bas tartýyna baılanysty tikeleı jartylaı fınalǵa ótti. Al 65 kelige deıingi salmaqtaǵy Ertýǵan Zeınýllınov fınalǵa shyǵý úshin baq synaıdy. Ókinishke qaraı Sanjar Táshkenbaı (50 kelige deıin) men Laýra Esenkeldi (65 kelige deıin) jarys jolyn erte aıaqtady.
Buǵan deıin Valentına Halzova Mońǵolııadaǵy Azııa chempıonatynyń jartylaı fınalyna shyqqanyn habarlaǵanbyz.
