Aıbek Oralbaı Azııa chempıonatynyń altynyn el qorjynyna saldy
ASTANA. KAZINFORM – Aıbek Oralbaı Mońǵolııanyń Ulan-Batyr qalasynda ótip jatqan bokstan Azııa chempıonatynda top jardy.
Fınalda qazaqstandyq boksshy Qytaı quramasynyń atynan synǵa túsken etnıkalyq qazaq Danabek Baıqonysty jeńdi. Osylaısha ol erler arasyndaǵy báseke boıynsha el qorjynyna tórtinshi altyn medaldi saldy.
Aıta keteıik, buǵan deıin Aıbektiń baýyry Nurbek Oralbaı Azııa chempıonatynda top jardy. Sonymen qatar Qazaqstan quramasynyń sapynan Orazbek Asylqulov (60 kelige deıin) pen Sabyrjan Aqqalyqov (75 kelige deıin) altyn júlde ıelense, Tórehan Sabyrhan (70 kelige deıin) fınalda jeńilip, kúmis medalmen shektelgen edi.
Sondaı-aq fınaldyq jekpe-jekten keıin 2026 jylǵy Azııa chempıony atanǵan Orazbek Asylqulov pikir bildirdi.
