Aıbek Oralbaı Azııa chempıonaty fınalynda qytaılyq qazaqpen kezdesedi
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonaty fınalynda Aıbek Oralbaı (90 keliden joǵary) Qytaıda turatyn etnıkalyq qazaq Danabek Baıqonyspen sheberlik baıqasady.
Álem chempıony, asa aýyr salmaqtaǵy Aıbek Oralbaı ½ fınalda Túrkimenstan boksshysy Dovlet Islamovpen qolǵap túıistirdi. Otandasymyz barlyq raýndta aıqyn basymdyǵyn tanytyp, 5:0 esebimen jeńiske jetti.
Al Danabek Baıqonys jartylaı fınalda úndistandyq Narendermen kezdesti. Birinshi raýndta qarsylas jaraqat alyp qaldy. Nátıjesinde jeńis Danabekke berildi.
Fınal 10 sáýirge belgilengen.
Aıta ketsek, Azııa chempıonatynda 90 keliden joǵary salmaqta ulty qazaq tórt boksshy synǵa túsken edi. Olardyń qatarynda Aıbek pen Danabekten ózge Beknur Qalı (Mońǵolııa), Arman Mahanov (Ózbekstan) boldy.
Sondaı-aq búgin Orazbek Asylqulov pen Saǵyndyq Toǵambaı (90 keli) fınal joldamasyn sarapqa salady.
Aıta ketsek, búgin el quramasynan Aıbekten ózge Nurbek Oralbaı (85 keli), Sabyrjan Aqqalyqov (75 keli) fınalǵa shyqsa, Aıgerim Sáttibaeva (48 keli) qola júldeger atandy.
Aıta ketsek, budan buryn el quramasynan 6 sáýirde Tórehan Sabyrhan (70 keli), Baqyt Seıdish (70 keli), Nadejda Rıabets (80 keli), Dına Islambekova (80 keliden joǵary) fınalǵa joldama alsa, Valentına Halzova (70 keli), Mahmud Sabyrhan (55 keli), Ertýǵan Zeınýllınov (65 keli) qola júldeger atandy.
