Aıbek Oralbaı 29 qyrkúıekte Azııa oıyndarynda jartylaı fınalda synǵa túsedi
ASTANA. KAZINFORM - 2026 jylǵy Azııa oıyndarynda 29 qyrkúıekte Qazaqstan quramasynan bir boksshy sharshy alańǵa shyǵady.
Bul kúni el quramasynan Aıbek Oralbaı (90 keliden joǵary) úndistandyq Narendermen sheberlik baıqasady. Jekpe-jek Qazaqstan ýaqytymen 11:00-ge belgilengen.
Sondaı-aq el quramasynan Mahmýd Sabyrhan (55 keli), Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli) 30 qyrkúıekte jartylaı fınal jekpe-jegin ótkizedi.
Aıta ketsek, qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan.
