Aıbek Nuǵymarov pen Erasyl Qajybaev «Qazaqstan barysynda» ShQO namysyn qorǵaıdy

SEMEI. QazAqparat - «Qazaqstan barysy» respýblıkalyq týrnırine Shyǵys Qazaqstan oblysynan qatysatyn palýandar anyqtaldy. Bul týraly QazAqparat Semeı aqparattyq ortalyǵyna silteme jasap habarlaıdy.

Semeıde QR Tuńǵysh Prezıdenti Nulsultan Nazarbaevtyń júldesi úshin qazaq kúresinen «Qazaqstan barysy» respýblıkalyq týrnırine oblystyq irikteý aıaqtaldy.

ShQO-nyń ár aımaǵynan kelgen 20-dan astam palýan respýblıkalyq jarysqa beriletin joldamany sarapqa saldy.

Jarystyń favorıti sanalǵan Erasyl Qajybav fınalǵa deıingi beldesýlerin merziminen buryn aıaqtap, úsh márte taza jeńiske qol jetkizdi. Aqtyq básekede eki dúrkin «Álem barysy» Aıbek Nuǵymarovpen kezdesken Erasyl tájirıbeli qarsylasyna upaı boıynsha ese jiberip, ekinshi oryndy qanaǵat tutty. Jubanysh beldesýlerinde sheberlik tanytqan Óskemen qalasynyń palýany Jasulan Muhamedhanov úshinshi orynǵa jaıǵasty.

Osylaısha, alǵashqy eki orynǵa turaqtaǵan Aıbek Nuǵymarov pen Erasyl Qajybaev 1 shilde kúni Nur-Sultan qalasynda ótetin «Qazaqstan barysy - 2019» jarysynda oblys namysyn qorǵaıtyn bolady.

«Qazaqstan barysy» týrnıri tarıhynda shyǵys palýandary 2 altyn, 2 kúmis jáne 4 qola belbeý ıegeri atanǵan bolatyn. Óńir sportshylarynyń dúbirli básekeden júldesiz qaıtqan kezderi bolǵan emes. Bıylǵy jyly osy bir jaqsy dástúr óz jalǵasyn tabady dep senemiz», - dedi oblystyq qazaq kúresi federatsııasynyń vıtse-prezıdenti Azat Sárpekov.