Aıbek Nuǵymarov «Qazaqstan Barysynyń» qola belbeýin utyp aldy
ASTANA. QazAQparat - Astana tórindegi «Barys Arena» sport kesheninde ótip jatqan «Qazaqstan Barysy» VIII respýblıkalyq týrnırinde Aıbek Nuǵymarov qola belbeý ıegeri atandy, dep habarlaıdy QazAqparat tilshisi.
Ol úshinshi oryn úshin beldesýde Túrkistan oblysynyń balýany Ersultan Muzapparovpen beldesip, qarsylasyn upaı sanymen utyp, «Qola» belbeý ıegeri atandy.
Aıta keteıik, Nuǵymarov ótken jyly da úshinshi oryn úshin talasta qarsylasyn qapy qaldyryp taǵy da qola belbeý ıegeri atanǵan bolatyn.
Aıbek Nuǵymarov «Qazaqstan Barysyna» alǵashqy 2011 jyldan bastap úzdiksiz qatysyp kele jatqan jalǵyz balýan. Ol qazaq kúresinen QR eńbek sińirgen sport sheberi
Sporttyq jetistikteri: Tórt dúrkin Álem chempıony (2010, 2013, 2014, 2016), Úsh dúrkin Azııa chempıony (2008, 2009, 2014), «Álem Barysy» absolıýttik álem chempıonatynyń jeńimpazy (2017) jáne kúmis júldegeri (2014), «Qazaqstan Barysy» týrnıriniń jeńimpazy (2013) jáne qola júldegeri (2012, 2017), Eki dúrkin Álem Kýbogynyń ıegeri (2011, 2017), QR chempıonatynyń birneshe dúrkin jeńimpazy, «Eýrazııa Barysy» halyqaralyq týrnıriniń jeńimpazy (2015, 2016, 2017) «Qazaqstan Barysy» týrnırine qatysýy: 2011, 2012, 2013, 2014, 2015, 2016, 2017 jáne bıyl 2018 jyly da qatysyp otyr.
