Aıbek Nuǵymarov qazaq kúresinen álem chempıonatyna qatyspaıtyn boldy

ASTANA. QazAqparat - Astanada ótip jatqan qazaq kúresinen álem chempıonatyna «Álem barysy» Aıbek Nuǵymarov qatyspaıtyn boldy, dep habarlaıdy QazAqparat tilshisi.

Osyǵan deıin habarlaǵanymyzdaı, Aıbek Nuǵymarov asa aýyr salmaqta el namysyn qorǵaıdy delingen. Alaıda bapkerler keńesi aqyldasa kelip, onyń orynyna Rýslan Ábdirazaqovty shyǵarýdy jón sanapty.

Bul jaǵdaıǵa baılanysty Aıbek Nuǵymarov óz pikirin bildirdi.  

«Men bul birinshilikke qatyspaıtyn boldym. Jastarǵa da oryn berý kerek qoı. Jaqynda «Álem barysy», jabyq Azıada oıyndarynyń jeńimpazy atandym. Meniń orynyma Rýslan baýyrym beldesedi. Ol da tájirıbeli balýan el namysyn qoldan bermeıdi dep úmittemin», - dedi ol.