Aıbek Qosýaqov Mańǵystaý oblysy ákimi apparatyn basqarady
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Aıbek Qosýaqov Mańǵystaý oblysy ákimi apparatynyń basshysy bolyp taǵaıyndaldy.
Aıbek Qosýaquly Qosýaqov 1975 jylǵy 15 qazanda Mańǵystaý oblysy Mańǵystaý aýdanynyń Ushtaǵan aýylynda dúnıege kelgen. 1997 jyly Sh. Esenov atyndaǵy Aqtaý ýnıversıtetin «Munaı jáne gaz uńǵymalaryn burǵylaý» mamandyǵy boıynsha, 2013 jyly D. A.Qonaev atyndaǵy kólik jáne quqyq gýmanıtarlyq ýnıversıtetin «Ekonomıka» mamandyǵy boıynsha támamdaǵan.
Eńbek jolyn 1997 jyly «Qarajanbasmunaı» AQ-da munaı jáne gaz óndirý tsehynyń tuzsyzdandyrý jáne qurǵatý qondyrǵysynyń operatory bolyp bastaǵan.
2001 jyly «Qarajanbasmunaı» AQ-nyń uńǵymalardy tereń zertteý zerthanasynda uńǵymalardy zertteý jónindegi operator qyzmetin atqardy.
2005-2006 jyldary «Jazyq» AQ-nyń áleýmettik damý jónindegi atqarýshy dırektory boldy.
2007-2020 jyldary «Taýshyq aýyl sharýashylyǵy» JShS-niń alqaly atqarýshy organynyń tóraǵasy qyzmetin atqardy.
2020-2022 jyldary Mańǵystaý oblysy Túpqaraǵan aýdanynyń ákimi boldy.
2022-2024 jyldary Jańaózen qalasynyń ákimi laýazymyn atqardy.
2024 jylǵy 22 sáýirden bastap osy ýaqytqa deıin «KaspııTransKom» JShS dırektorynyń keńesshisi qyzmetin atqaryp keldi.
Osydan buryn Aqtóbede birneshe basqarmanyń basshysy aýysqanyn jazǵanbyz.
