Aıbek Ermekuly «Balalar alaqanyndaǵy kún» Halyqaralyq balalar festıvaliniń Bas júldesin jeńip aldy
ALMATY. 7 maýsym. QazAqparat /Erlik Erjanuly/ - 29 mamyr men 3 maýsym aralyǵynda Máskeýde «Balalar alaqanyndaǵy kún» dep atalatyn Halyqaralyq balalar festıvali ótti.
Onda Almatydaǵy №175 Jańa ǵasyr gımnazııasynyń 10 jastaǵy oqýshysy Aıbek Ermekuly Ernazar Bas júldeni jeńip aldy. 5 jasynyn beri án aıtyp kele jatqan jas ónerpaz «Ánshi bolǵym keledi», «Men baqytty balamyn» sııaqty óner baıqaýlarynda baǵyn synap kórdi. Odan soń Respýblıka saraıynda QR halyq ártisi, Memlekettik syılyqtyń ıegeri, ánshi Maqpal Júnisovamen birge «Qazaǵym» ánin oryndap, kópshiliktiń yqylasyna bólendi. Onyń repertýarynda qazir «Oına, balaqaı», «Anashym», «Álippem» degen sııaqty onshaqty án bar. Beınebaıandary da shyqty. Qazir «Sulýym» dep atalatyn jańa jobasyn daıyndaý ústinde.
