Aıbek Dádebaıdyń endi nemen aınalysatyny belgili boldy
ASTANA. KAZINFORM – QR Prezıdentiniń keńesshisi – Baspasóz hatshysy Aıbek Smadııarov Prezıdent Ákimshiliginiń burynǵy basshysy Aıbek Dádebaıdyń endi nemen aınalysatynyn málimdedi.
- Qasym-Jomart Toqaev buǵan deıin Prezıdent Ákimshiliginiń basshysy qyzmetin atqaryp kelgen Aıbek Dádebaıdyń jumysyna joǵary baǵa berip, zor rızashylyǵyn bildirdi.
Taıaý ýaqytta elimizde aýqymdy saıası naýqan ótetini belgili. Osyndaı syndarly sátte Aıbek Arqabaıuly Memleket basshysynyń arnaıy tapsyrmasy boıynsha qoǵamdyq-saıası jumyspen aınalysady, - delingen Smadııarovtyń jazbasynda.
Aıta keteıik, búgin Aıbek Dádebaıdyń QR Prezıdenti Ákimshiliginiń Basshysy laýazymynan bosatylǵany habarlandy.
Artynsha bul qyzmetke Úkimet basshysynyń biri orynbasary laýazymyn atqaryp kelgen Roman Sklıar taǵaıyndaldy.
