Aıbek Dádebaev: Sán-saltanaty jarasqan ǵımarattardyń boı kótergeni - qurylysshylardyń eńbeginiń nátıjesi
«Osy ataýly kúnge oraı, Prezıdent Іs basqarmasyna qarasty uıymdarda jumys isteıtin, osy salaǵa qatysty bar áriptesterimizdi quttyqtaımyn! Sán-saltanaty jarasqan kóptegen ásem ǵımarattardyń boı kótergeni, halyq ıgiligi úshin sapaly qyzmet atqaryp turǵany ózderińizdiń eseli eńbekterińizdiń nátıjesi.
Osydan 18 jyl buryn qurylǵan «Qazqurylysjúıesi» mekemesi halyqtyń kóz qýanyshyna aınalǵan ondaǵan ǵımarattyń boı kóterýine atsalysyp, tehnıkalyq baqylaýdy júzege asyrdy. Atap aıtqanda, Aqorda rezıdentsııasynyń, Parlament palatalary, Qorǵanys mınıstrligi men Mınıstrlikter úıi, Joǵarǵy Sot ǵımarattarynyń salynýyna súbeli úles qosty. Bizdiń áriptesterimizdiń eseli eńbeginiń arqasynda «Báıterek» monýmenti, Saltanat saraıy, Beıbitshilik jáne kelisim saraıy, Ulttyq kitaphana, «Astana-Opera», «Astana-Arena» stadıony syndy elordanyń maqtanyshyna aınalǵan mádenı jáne sporttyq nysandar paıda boldy», - dep jazdy Aıbek Arqabaıuly.
Onyń paıymynsha, bul mereke tikeleı qurylysshylarǵa ǵana emes, sonymen qatar ınjener, elektrık, aǵash sheberi, tazalaýshy jáne basqa da mamandyq ıelerine de qatysty. Sebebi, ǵımarattardyń sapaly salynýy, ınfraqurylymynyń múltiksiz jumys isteýi, kún saıynǵy kútimi, uzaq ýaqyt halyq ıgiligine jaraýy osy kisilerdiń jumysyna tikeleı baılanysty ekeni sózsiz.
«Barshańyzdy kásibı merekemen quttyqtaı otyryp, Sizderge myqty densaýlyq, shańyraqtaryńyzǵa baq-bereke men mol qýanysh tileımin!» - delingen jazbada.