Aıbat Myrzamuratov Qazaqstan rekordyn jańartty
ASTANA. KAZINFORM — Astana qalasynda «Barys Arenada» júzýden «Jibek joly» serııasy aıasynda álem kýbogynyń alǵashqy fınaldary ótti, dep habarlaıdy QR Týrızm jáne sport mınıstrligi Sportty dırektsııasynyń baspasóz qyzmeti.
Fınalda Qazaqstan komandasynyń úsh ókili synǵa tústi. Aıbat Myrzamuratov eki dıstsıplınada júldege talasty. Ol 50 metrge brass ádisimen júzýde 26,50 sekýnd nátıje kórsetip, Qazaqstan rekordyn jańartty jáne úzdik segizdikti túıindedi.
Al 200 metrge keshendi júzý básekesinde Aıbat qashyqtyqty 1:57,91 ýaqytta baǵyndyryp, onynshy orynǵa turaqtady.
Taǵy bir otandasymyz Egor Popov 100 metrge erkin stılde júzýdiń fınalynda 47,74 sekýnd nátıje kórsetip, onynshy orynnan kórindi.
Al 50 metrge batterflıaı ádisimen júzýde Sofıa Spodarenko máre syzyǵyn 26,27 sekýndta kesip ótip, toǵyzynshy nátıje kórsetti.
Aıta keteıik, jarys 17 qazanǵa deıin jalǵasady.
Astanada júzýden álem kýbogynyń kezeńi bastalǵanyn jazǵan edik.
