Aıazǵa qaramastan Qazaqstannyń keıbir óńirleri astyq oryp jatyr

ASTANA. QazAqparat - Qazaqstanda egin alqaptarynan bıyl 18 mıllıon tonna bıdaı jınaldy. Bul týraly búgin QR Aýyl sharýashylyǵy mınıstrliginiń jaýapty hatshysy Arman Evnıev málim etti.

«Búgingi tańda 18 mln. tonna bıdaı oryldy. Ázirge bul taza salmaǵy emes. Taza salmaǵy shamamen 10-15 paıyzǵa kem bolady», - dep atap ótti ol.

Onyń sózine qaraǵanda, óńirlerde bıdaıdy áli kúnge deıin oryp jatqandar bar. «Múmkindigi bar jerlerde, árıne. Eginshiler qoldan kelgenderin istep jatyr, túnde de orýdy jalǵastyrýda. Orylmaı qalǵan eginniń kólemi kóp emes, shamamen 1,5-2 paıyz qaldy», - dedi A. Evnıev.

A.Evnıevtiń sózine qaraǵanda, solaı bola tursa da, eginshiler eńselerin túsirmegen. Qaıta shyǵyndy meılinshe azaıtý boıynsha bar biliktilikterin salýda.