Aıazǵa baılanysty tórt oblystyń aýmaǵyndaǵy respýblıkalyq joldarda kólik qozǵalysyna shekteý engizildi
ASTANA. 10 jetoqsan. QazAqparat - Aıazǵa baılanysty tórt oblystyń aýmaǵyndaǵy respýblıkalyq joldarda kólik qozǵalysyna shekteý qoıyldy. Bul týraly «Qazaqavtojol» RMK-nyń baspasóz qyzmeti habarlaıdy.
Atap aıtqanda, saǵat 18:30-dan bastap Pavlodar oblysynyń barlyq baǵyttarynda qoǵamdyq jáne dızel otynymen júretin kólikterge jolǵa shyǵýǵa tyıym salyndy.
Sonymen qatar, Qaraǵandy oblysy aýmaǵynda da barlyq baǵyttarda qoǵamdyq, júk, dızel otynymen júretin kólikterdiń qozǵalysyna shekteý qoıyldy.
Al ShQO aýmaǵyndaǵy «Omby-Maıqapshaǵaı» avtojolynyń 587-733 shaqyrymy ýchaskesindegi «Pavlodar oblysy shekarasy-Semeı» aralaǵynda da osyndaı shekteýler engizildi.
Buǵan qosa saǵat 19:15-den beri Aqmola oblysyndaǵy «Astana-Ereımentaý-Shiderti» jolynyń 16-205 shaqyrymyndaǵy «Astana-Pavlodar oblysy shekarasy» aralyǵynda da qoǵamdyq jáne dızeldik otynmen júretin kólikter úshin jol jabyldy.
