Aıazǵa baılanysty Ekaterınbýrg-Almaty trassasynda qozǵalys shekteldi
ASTANA. QazAqparat – «Ekaterınbýrg-Almaty» tasjolynyń Qarǵandydan Jambyl oblysyna deıingi aralyǵynda qozǵalysqa ýaqytsha tyım salynda. Bul týraly «QazAvtoJol» kompanııasynyń áleýmettik jelidegi resmı paraqshasynda jazylǵan, dep habarlaıdy QazAqparat tilshisi.
«Aýa temperatýrasynyń tómendeýine baılanysty saǵat 22:00-den bastap jol qozǵalysyna qatysýshylardyń qaýipsizdigin qamtamasyz etý maqsatynda «Ekaterınbýrg-Almaty» respýblıkalyq mańyzy bar avtojolynyń Qaraǵandy qalasynan Jambyl oblysynyń shekarasyna deıingi ýchaskesinde júk jáne qoǵamdyq avtokólik (dızeldi avtokólik) úshin qozǵalysqa ýaqytsha shekteý engizildi», - delingen kompanııanyń Іnstagram-paraqshasynda jarııalanǵan habarlamada.
