Aıazǵa baılanysty birneshe óńirde oqýshylar erteń úıden oqıdy

ASTANA. QazAqparat – 11 qańtar kúni aýa raıynyń nasharlaýyna baılanysty birneshe óńirde birinshi aýysymdaǵy oqýshylardyń sabaǵy onlaın formatqa aýystyryldy, dep habarlaıdy QazAqparat.

Atap aıtqanda, Shymkent qalasynda 1-8 synyp oqýshylary úıden bilim alady.

Atyraý jáne Aqtóbe oblystarynda 0-11 synyptar qashyqtan oqıdy.

Abaı oblysynyń Semeı qalasynda 1-11 synyp oqýshylary jáne kolledjderdiń barlyq kýrs stýdentteri onlaın bilim alady.

Ulytaý oblysynda birinshi jáne ekinshi aýysymdaǵy 0-11 synyp oqýshylary men kolledjderdiń 1-2 kýrs stýdentteri mektepke barmaıdy.

Aıta keteıik, «Qazgıdromet» RMK sársenbi kúni birneshe óńirde aıaz bolatyny týraly eskertý jarııalaǵan bolatyn. Jekelegen óńirde aýa temperatýrasy 41 gradýsqa deıin tómendeıdi.