Aıazǵa baılanysty Qostanaıda birqatar mektep qashyqtan oqýǵa aýystyryldy

ASTANA. KAZINFORM — 10 jeltoqsan kúni Qostanaı oblysynyń birqatar aýdanynda aýa raıynyń qolaısyzdyǵyna baılanysty I aýysymdaǵy keıbir synyptyń sabaqtary qashyqtan oqytý formatyna aýystyryldy, dep habarlaıdy Kazinform agenttiginiń tilshisi.

Meńdiqara aýdanynda 10 jeltoqsan tańerteń aýa temperatýrasy –28…–30° deıin tómendep, jeldiń jyldamdyǵy 2 m/s shamasynda boldy. Osyǵan baılanysty birinshi aýysymdaǵy A.Chýtaev atyndaǵy BMG, G.Jumabaev atyndaǵy BMG, Pervomaı orta mektebi, Borkov orta mektebi, Ivanov bastaýysh mektebi, Stepanov orta mektebi, Tenızov orta mektebi, Jangeldın orta mektebi, Krasnopresnen orta mektebi, Vveden orta mektebi, Aleshın orta mektebi, Mıhaılov orta mektebi, Arhıpov orta mektebi, Lomonosov orta mektebi, Lesnoı orta mektebi, Býdennovskıı orta mektebiniń mektepaldy daıarlyq synybynan–9 synyp oqýshylaryna deıin sabaqtar qashyqtan oqytýǵa aýystyryldy. Al temperatýra –30° bolǵan Kamenskýral jáne Sosnov orta mektepteriniń mektepaldy daıarlyq synybynan–11 synyp oqýshylaryna deıin onlaın formatqa kóshirildi.

Naýyrzym aýdanynda aýa temperatýrasy –25°-qa jetip, jeldiń áserinen Jambyl jáne Dokýchaev mektepteriniń birinshi aýysymdaǵy mektepaldy daıarlyq synyby jáne 1–4 synyp oqýshylary qashyqtan oqytýǵa aýystyryldy. Aýdannyń qalǵan 8 mektebi shtattyq rejımde jumys istep jatyr.

Budan buryn Qazgıdromet 10 jeltoqsanda birqatar óńirde tuman túsip, kóktaıǵaq bolatynyn eskertken edi.