Aıazda jolaýshylardy túsirip ketken jolserikterdiń isi tekserilýde
ASTANA. QazAqparat - QR Investıtsııalar jáne damý mınıstrligi Omby-Qaraǵandy poıyzyndaǵy jolseriktiń ájeı men onyń nemeresin syrttaǵy qatty aıazǵa qaramastan vagonnan túsirip ketýine baılanysty tekserý jumystaryn júrgizýde, dep habarlaıdy «QazAqparat» vedomstvonyń baspasóz qyzmetine silteme jasap.
«Kókshetaýda №143/144 Omby-Qaraǵandy baǵytyndaǵy poıyz jolseriginiń qartań áıel men onyń nemeresin vagonnan túsirip ketýine baılanysty tekserý jumystary júrgizilýde. Nátıjeler anyqtalǵan soń kináli qyzmetkerlerge QR Eńbek zańnamasynyń aıasynda qatań sharalar qoldanylatyn bolady»,-dep habarlady baspasóz qyzmeti.
QR Investıtsııalar jáne damý mınıstrligine qarasty Kólik komıteti tasymaldaýshylar atynan bolǵan oqıǵa úshin keshirim suraıdy jáne osyndaı oqıǵalardyń bolashaqta qaıtalanbaýy úshin qajet sharalardyń barlyǵyn qoldanatyndyǵyn habarlaıdy.
Esterińizge sala keteıik, buǵan deıin áleýmettik jelilerde Omby-Qaraǵandy poıyzynyń jolserigi qartań áıel men onyń tórt jastaǵy nemeresin syrttaǵy qatty aıazǵa qaramastan vagonnan túsirip ketkeni jazylǵan. Olardy poıyzǵa basqa vagonnyń jolserigi kirgizgenge uqsaıdy.
