Aıazda qoqys konteınerine tastap ketken náreste aman qaldy
ASTANA. QazAqparat - Dárigerler Cheboksary qalasynda qoqysqa toly konteınerden tabylǵan sábıdi aýrýhanaǵa jatqyzdy , dep habarlaıdy TASS.
RF TK aımaqtyq tergeý basqarmasy jetekshisiniń aǵa kómekshisi Oleg Dmıtrıevtiń aıtýynsha, shaqalaqty anasy tastap ketken bolýy múmkin.
« 2 aqpanda Cheboksary qalasynda jergilikti turǵyn Engelsk kóshesindegi 17 jáne 19 úılerdiń arasyndaǵy qoqys konteınerinen shúberekke oralǵan jańa týǵan qyzdy taýyp alǵan. Sábı emdeý mekemesine jatqyzyldy, oǵan tıisti medıtsınalyq kómek kórsetilýde»,-dedi Dmıtrıev.
Aldyn ala málmet boıynsha, náresteniń anasy óziniń aıaǵy aýyr ekendigin jasyrǵan. 2 aqpanda bosanǵannan keıin odan qutylý úshin konteınerge tastaǵan. Sınoptıkterdiń aıtýynsha, bul ýaqytta aýa temperatýrasy -17-20 gradýsqa deıin tómendegen.
Qylmystyń ashylýyna konteınerden tabylǵan qapshyqtaǵy balanyń salǵan sýreti sebep bolǵan kórinedi. Tergeýshiler onyń avtory álgimen kórshi turatyn qyz ekendigin anyqtady. Osynyń arqasynda qylmys ashylyp otyr.
