Aıazda dalada qalǵan júrgizýshi qutqaryldy - Qostanaı oblysy

QOSTANAI.QazAqparat – Tobyl qalasynyń polıtseıleri kóligi synyp, aıazda qalǵan taksı júrgizýshisine kómektesti, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

«15 qańtarda túngi saǵat 2:00 shamasynda tártip saqshylary «Qostanaı-Áýlıekól« avtojolynda avtopatrýlde júrgen.

Olar Ryspaı aýylynyń janyndaǵy trassada kólik toqtatyp turǵan er adamdy baıqady. Ol polıtseılerge taksı júrgizýshisi bolyp jumys isteıtinin, Ryspaı aýylyna bara jatqanyn aıtty. Joldan shyǵyp ketip, avtokóligi qar qursaýynda qalyp qoıǵan», delingen vedomstvo habarlamasynda.

Kúnniń sýyǵyna qaramastan taksıshi jol boıyna shyǵyp, kólik toqtatpaq bolady. Ol jol ústinde bir saǵatqa jýyq turǵan, alaıda eshqandaı kólik ótpegen.

Osylaısha, aıazda qalǵan adamǵa reıdte júrgen polıtseıler Múslim Isabaev pen Amandyq Syzdyqov kómekke keldi.

Polıtsııa leıtenanttary birden kólikti qar qursaýynan shyǵarý boıynsha sharalar qabyldady. Osy ýaqytta taksıshi polıtsııanyń qyzmettik avtokóliginde jylynyp otyrdy.

Taksı júrgizýshisi patrýldik polıtseılerge qıyndyqtan qutqarǵany úshin alǵys aıtty.