Aıaz, jaýyn-shashyn, kúshti jel: Túrkistan oblysy men Shymkentte kún kúrt sýytady

NUR-SULTAN. QazAqparat - Qazaqstannyń birneshe óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.

8-9 sáýir kúnderi túnde jáne tańerteń Túrkistan oblysynyń keı jerlerinde nóser jańbyr jaýady. Tuman túsedi. Soltústik-batystan soqqan jeldiń kúshi 15-20 m/s, 8 sáýirde túnde ekpini 25 m/s jetedi.

9-10 sáýirde túnde aýa temperatýrasy 0-5 gradýs aıaz, ońtústikte plıýs 3 gradýsqa deıin kúrt tómendeıdi.

9-10 sáýirde Túrkistan qalasynda túngi aýa temperatýrasy mınýs 0-2 gradýsqa deıin sýytady.

8-9 sáýirde Shymkent qalasynda túnde jáne tańerteń qatty jaýyn-shashyn (jańbyr, qar) jaýady. Soltústik-batystan soqqan jeldiń jyldamdyǵy 15-20 m/s deıin kúsheıedi. 9-10 sáýir túnde aýa temperatýrasy 0-2 gradýs aıazǵa deıin kúrt tómendeıdi.