Aıaz, tuman: 13 óńirde aýa raıyna baılanysty eskertý jarııalandy

ASTANA. KAZINFORM — Búgin elimizdiń 13 oblysynda daýyldy eskertý jarııalandy, dep habarlaıdy Kazinform «Qazgıdromet» RMK-ǵa silteme jasap.

Sınoptıkterdiń boljaýynsha, búgin aýa raıy qalypty jaǵdaıda saqtalady. Ádettegideı, respýblıka kóleminde jel kúsheıip, tuman túsedi. Elimizdiń basym bóliginde jaýyn-shashynsyz aýa raıy bolady. Tek eldiń batysynda, soltústik-batysynda, ońtústik-shyǵysynda, jańbyr men qar jaýady. 

Mańǵystaý oblysy men Atyraý oblysynyń soltústik-shyǵysynda, batysynda joǵary órt qaýpi boljandy. Aımaqtyń soltústiginde, ońtústiginde, shyǵysynda tótenshe órt qaýpi saqtalady.

Jambyl oblysynyń taýly aýdandarynda aıaz bolady. Al oblys ortalyǵynda joǵary órt qaýpi bar. Óńirdiń batysy men soltústiginde tótenshe órt qaýpi saqtalady. 

Jetisý oblysynyń ortalyǵynda 1-3 gradýs úsik júredi.

Aqtóbe oblysynyń ońtústiginde, soltústiginde, shyǵysynda jáne Qyzylorda oblysynyń soltústiginde, ortalyǵynda joǵary órt qaýpi boljanǵan. Aqtóbe oblysynyń batysy, soltústik-shyǵysy men Qyzylorda qalasynda tótenshe órt qaýpi bar. 

Almaty oblysynyń batysynda, Qostanaı men Aqmola oblystarynyń ońtústik-batysynda joǵary órt qaýpi kútiledi. Almaty oblysynyń soltústiginde tótenshe órt qaýpi bolady.

Sondaı-aq Ulytaý oblysynyń shyǵysynda, ortalyǵynda, Abaı oblysynyń ońtústiginde joǵary órt qaýpi bar. Ulytaý oblysynyń ońtústiginde tótenshe órt qaýpi saqtalǵan.

Túrkistan oblysy men Batys Qazaqstan oblysynyń soltústik-batysynda, ońtústiginde, ońtústik-shyǵysynda tótenshe órt qaýpi saqtalady.  

Aıta keteıik, búgin Almaty men taǵy eki qalada aýa sapasy tómendeıdi.