Aıaz saldarynan Soltústik Qazaqstanda aýyr júk tasymaldaıtyn kólikter júre almaı jatyr
PETROPAVL. QazAqparat - Aýa raıynyń kúrt tómendeýinen SQO jol-patrýldik polıtseıleri patrýldeýdi kúsheıtti, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Demalys kúnderi oblys trassalarynda 6 aýyr júk tasymaldaıtyn kólikturyp qaldy.
«Volvo» kóliginiń tejegish júıeleri isten shyǵyp, 25 jastaǵy júrgizýshi saparyn jalǵastyra almaı, Aqqaıyń aýdanynyń Rýblevka aýyly mańynda, al elektr qurylǵylaryn tasymaldaǵan Qostanaı oblysynyń 56 jastaǵy turǵyny Qyzyljar aýdanynda toqtap qaldy. Onyń júk kóliginde janarmaı taýsylǵan, al dızeldik otyn muz bolyp qatyp qalǵan.
Der kezinde kómekke kelgen polıtsııa qaıǵyly oqıǵanyń aldyn aldy. Tártip saqshylary kólikterge janarmaı quıyp, ony qyzdyrýǵa kómektesti.
«Qatty aıaz kezinde jol boıynda qaıǵyly oqıǵalardy boldyrmaý úshin polıtsııa jolshybaı ótken júrgizýshilerden trassadaǵy jaı-kúıdi suraýda», - dep atap ótti ІІD jergilikti polıtsııa qyzmeti batalonynyń komandıriniń orynbasary Janat Sultanov.
Demalys kúnderi SQO aýdandaryndaǵy termometr kórsetkishi -36 gradýsqa deıin tómendedi. Búgin Petropavlda synap baǵanasy -30-dy kórsetip tur. Degenmen jaqyn kúnderi aýa temperatýrasy kóteriledi dep boljanýda.
