Aıaz saldarynan Shyǵys Qazaqstan mektepterinde sabaq toqtatyldy
ÓSKEMEN. QazAqparat - Shyǵys Qazaqstannyń birneshe aýdanynda úskirik aıaz túsýine baılanysty mekteptegi sabaqtar toqtatyldy, dep habarlaıdy «QazAqparat» HAA tilshisi.
Bilim basqarmasynyń málimetterine qaraǵanda, Kókpekti aýdanynda aıaz kúsheıip tur. Aýa temperatýrasy 34 gradýs nólden tómen bolǵan. Búgin bul jerde 1-11 synyp oqýshylaryna sabaq bolmaıdy. Zyrıan aýdanynda aıazǵa baılanysty birinshi aýysymdaǵy 1-9 synyptardyń sabaǵy toqtatyldy. Termometr baǵany Zyrıanda -33 gradýsqa deıin tómendegen.
Qatonqaraǵaı aýdanynda aýa temperatýrasy -31 gradýs bolǵandyqtan, birinshi aýysymnyń 1-4 synyptaryna sabaq bolmaıdy. Sondaı-aq, Kúrshim jáne Tarbaǵataı aýdandarynda da birinshi aýysymnyń sabaqtary toqtatylǵan.
