Aıaz saldarynan Óskemendegi kópirde jaryq paıda boldy
ÓSKEMEN. QazAqparat – Óskemende Zaşıtınskıı kópirinde jaryq paıda boldy, dep habarlaıdy QazAqparat qalalyq ákimdiktiń Instagram áleýmettik jelisindegi resmı paraqshasyna silteme jasap.
Qalalyq ákimdikten mamandardyń kópirdi zerttegenin habarlady. Aýa temperatýrasynyń tómendiginen ekinshi tirek bóligindegi asfaltbetondy tósemde jaryq paıda bolǵany anyqtaldy. Bul rette kópirdiń salmaq túsetin konstrýktsııasy zaqymdalǵan joq.
«Kópir ústindegi qozǵalys shtattyq rejımde júrip jatyr. Qazirgi kezde asfalttiń odan ári buzylýynyń aldyn alý maqsatynda jaryqqa bıtým quıylǵan», - dep túsindirdi ákimdikten.
Kópirdi jóndeý boıynsha negizgi jumystar kóktemde júrgiziledi.
Eske sala ketsek, Qazaqstanda 38 gradýsqa deıin aıaz bolady dep kútilýde. Soltústik aýdandar 25 jeltoqsannan bastap túngi ýaqytta aýa temperatýrasynyń kúrt tómendeýi bojanǵan.
Avtory: Rýslan Shaqabaev
