Aıaz kúshine mingende Temirtaýdaǵy jylytý qazandyǵy isten shyqty
QARAǴANDY. QazAqparat - Temirtaý turǵyndary páterlerindegi temperatýranyń 10 gradýsqa deıin tómendegenin aıtyp shaǵymdanyp jatyr. Oǵan sebep, JEO-2 qazandyǵynda júrgizilip jatqan jóndeý jumystary, dep habarlaıdy «QazAqparat» HAA tilshisi.
Jylý berý ortalyǵynyń toqtaýsyz qyzmetine jaýap beretin «ArselorMıttal Temirtaý» kompanııasynyń baspasóz qyzmeti málimdegendeı, jylý qurylǵysy bir táýliktiń ishinde jóndelip, búgin keshke deıin iske qosylmaqshy.
«JEO-2 jumys istep tur. Qalany jylýdy 4 qazandyq qamtamasyz etedi. 22 qańtar kúni keshke deıin №2 qazandyq iske qosylady, ol 21 qańtarda jóndeýge jabylǵan. Osyǵan baılanysty jylýdyń jetispeýshiligi 10 gradýsty qurady. Aldaǵy táýlikte temperatýra qalypty jaǵdaıǵa qaıta keledi»,-dep habarlady kompanııanyń baspasóz qyzmeti.
