Aıaz kezinde Sozaqtyń taksıleri turǵyndardy tegin tasymaldaýda - OQO

ShYMKENT. QazAqparat - Ońtústik Qazaqstan oblysynyń Sozaq aýdanynda taksı júrgizýshileri tegin qyzmet kórsetý aktsııasyn bastady. Bul shara aýa raıynyń aıazdy úsh kún boıy júrgizilmekshi, dep habarlaıdy QazAqparat tilshisi.

Aıta keteıik, Sozaq aýdany ońtústiktiń teriskeıi sanalady. Qysy qatty ári aıazdy bolady. Qaıyrymdylyq sharasy sınoptıkter aýdana 26-29 kúnderi sýytatynyn eskertken soń qolǵa alynyp otyr. Bul týraly aýdandyq «Jastar resýrstyq ortalyǵynyń» áleýmettik paraqshasynda jazyldy.

«Sozaq aýdanynynyń ortalyǵy Sholaqqorǵan aýylynda aýa raıynyń qolaısyzdyǵyna baılanysty jas kásipker Bolat Jarymbetovtiń «Sozaq taksı» taksoparki jáne «Jastar resýrstyq ortalyǵy» KMM-niń bastamasymen erikti jastardyń 3 kúndik aktsııasy ótýde. Aktsııa barysy eriktilerden quralǵan top 5 avtokólikpen shyǵady. 3 kún ishinde taksıler ardagerlerge, eńbek ardagerlerine tómengi synyp oqýshylaryna jáne múmkindigi shekteýli jandarǵa tegin qyzmet kórsetedi» delingen habarlamada.

 

Eske salaıyq, «Qazgıdromet»  RMK Ońtústik Qazaqstan oblysynda 26-29 qańtar arasynda aýa temperatýrasy tómendep, túnde 15-20 gradýs aıaz (keı jerlerde 25-30) túsedi dep eskertken bolatyn. Keı jerlerde -20-25 gradýsqa deıin (keı jerlerde 30-35)  jetýi múmkin ekeni habarlandy. Al, Sozaq aýdanynda termometr baǵany -22 den túnde -25  gradýsty kórsetip tur.